Adebayo Akinfenwa kishte thënë se ai do të pranonte të fliste me Jurgen Kloppin vetëm kur Ëycombe Wanderers ta siguronte promovimin në Championship, nivelin e dytë të futbollit në Angli, dhe trajneri i Liverpoolit iu përgjigj pas arritjes së këtij qëllimi.
Wycombe e siguroi promovimin në Championship për herë të parë në historinë 133-vjeçare të klubit falë fitores me rezultat 2:1 në barazhin e Ligës së Parë kundër Oxford Unitedit të hënën, transmeton Gazeta Express.
Heroi i Wycombes dhe tifozi i Liverpoolit, Akinfenwa, tha pas ndeshjes në një intervistë që është bërë virale se tani do ta pranonte vetëm ndonjë telefonatë nga Jurgen Klopp, në mënyrë që të festojnë bashkë.
We LOVE Adebayo Akinfenwa! What an interview 🤣pic.twitter.com/DAgyYHTLTI
— Soccer AM (@SoccerAM) July 13, 2020
Klopp e dëgjoi kërkesën e 38-vjeçarit dhe e telefonoi atë.
“Përshëndetje, urime! Unë e shikova ndeshjen, Nuk e pashë intervistën, por një lojtar më tregoi çfarë the dhe më tha se mund të të kontaktoj ty në Whatsapp. Urime. Jam i sigurt se ke dashur gjatë gjithë jetës të jesh të paktën në Championship dhe tani e ke arritur”, dëgjohet duke i thënë Klopp.
Are u crazyyyyyyy the man, the myth, the legend sent me a Watsapp. Today can’t get any better. Thank you Klopp #YNWA #Beast20 #BeastMode we did it #champHereWeCome 💪🏿🙏🏿💙 pic.twitter.com/9RgiKZkYt2
— daRealAAkinfenwa (@daRealAkinfenwa) July 13, 2020
“Të lumtë! Ishte fitore me të vërtetë e mrekullueshme. Edhe në këto kohëra të çuditshme, ne mund të festojmë ashtu siç duhet”.
