Brenda 24 orëve, dy banorë të Komunës së Gjakovës kanë vdekur pas infektimit me koronavirus. Për vdekjen e tyre ka reaguar edhe Kryetari i kësaj komune, Ardian Gjini, i cili u ka shprehur ngushëllime familjeve të viktimave, raporton Express.
Përmes një postimi në llogarinë e tij në Facebook, Gjini ka thënë se humbja e tyre, përveç dhembjes, është edhe një rikujtim e ky virus po i kërcenon të gjithë pa asnjë përjashtim.
“Pandemia Covid-19 po vazhdon të jetë e pamëshirshme, duke larguar herët nga ne policin shembullor Ilir Gjokaj dhe afaristin e suksesshëm Avdi Avdija, dy qytetarë të dalluar dhe kontributdhënës të palodhur për shoqërinë tonë. Humbja e tyre, përveç dhembjes, është edhe një rikujtim për të gjithë ne, se ky virus tashmë po na kërcënon të gjithve pa asnjë përjashtim”, ka shkruar Gjini./Gazeta Express
