Federata Sindikale e Pavarur e PTK-së ka mbajtur një konferencë për media pasi Telekomit të Kosovës iu janë bllokuar llogarit bankare nga përmbaruesi privat për rastin me “Z-Mobile”.
Lamih Balaj, kryetar i Federatës Sindikale e Pavarur e PTK-së e ka quajtur të papranueshëm këtë veprim dhe ka kërkuar ndërhyrjen e institucioneve.
“Ky bllokim nuk është bllokim, por edhe shkatërrim i Telekomit dhe nuk do të lejojmë që një gjë të tillë. Ne kërkojmë nga përmbaruesi që sa më parë t’i zhbllokojë llogaritë që po dëshiron t’i shkatërrojë mijëra familje”, u shpreh ai.
“Iu bëjmë thirrje liderëve institucional që të largohet kompania kriminale Z-Mobile dhe sa më parë të marrin masa adekuate që të zhbllokohen llogaritë”, raporton EO.
“Blerimi po dëshiron që t’i lë 3 500 familje pa punë të cilët janë të futurave kredi. Edhe një herë iu bëjmë thirrje institucioneve që të marrin masa në mënyrë që të zhbllokohen llogaritë”, u shpreh Balaj.
“Ne kërkojmë nga përmbaruesi edhe nga ai që e ka dërguar lëndën që t’i zhbllokojë llogaritë sepse në këtë kohë pandemie po dëshiron t’i shkatërrojë 3 500 familje të cilat janë të varura nga pagat e Telekomit të Kosovës”.
“Për 10 vjet e kanë zhvatur këtë Telekom dhe sot po tentojnë që ta falimentojnë kompaninë tonë, një gjë të tillë nuk do ta lejojmë”, u shpreh Balaj.
