Sergio Ramos e ka thyer rekordin për më së shumti gola të shënuara nga një mbrojtës brenda një sezoni në histori të La Ligës në shekullin 21.
Qendërmbrojtësi i Real Madridit, Sergio Ramos, e shkroi historinë me golin kundër Leganes të dielën, transmeton Gazeta Express.
Ai e shënoi golin e 11-të në këtë sezon, në barazimin e Real Madridit 2:2 me Leganes, më shumë se çdo mbrojtës tjetër në La Liga në shekullin e 21-të.
Mariano Pernia e mbante rekordin për më së shumti gola nga një mbrojtës këtë shekull, me 10 golat e tij para 15 vjetëve.
Që prej rifillimit të La Ligës në qershor, Ramos i shënoi po aq gola sa Lionel Messi, 6, dhe ishte lojtari kryesor në frymëzimin e Real Madridit drejt titullit. /Gazeta Express/
