Tifozët e Manchester Unitedit u shprehën të lumtur në rrjete sociale lidhur me një incident në ndeshjen e së enjtes ku u përfshinë Marcus Rashfordi dhe Anthony Martial, pasi që u pëlqente si francezi i doli në mbrojtje bashkëlojtarit të tij gjatë një zënke.
Manchester Unitedi e la në të kaluarën barazimin e së hënës kundër Southamptonit duke i marrë të tri pikët në ndeshjen e së enjtes në Premierligës kundër Crystal Palace, transmeton Gazeta Express.
Djemve të Solskjaer iu nevojit një fitore për ta mbajtur të njëjtin hap me Leicester Cityn dhe Chelsean në garën për top katërshe. Ata e morën këtë fitore me rezultat 2:0 falë golave të shënuara nga Marcus Rashford dhe Anthony Martial.
Por, s’ishin vetëm golat e kësaj dyshe që i gëzuan tifozët e gjigantit anglez, por edhe lidhja e mirë mes tyre, e cila u vërejt gjatë një incidenti mes Rashfordit dhe Zahas së Crystal Palace.
Pasi gjyqtari e referoi një gjuajtje të lirë për Manchester Unitedi shkaku i një ndërhyrjeje të Zahas në Rashfordin, Zaha reagoi ashpër dhe e nisi një zënkë me Rashfordin. Megjithatë, Anthony Martial i shkoi shpejt në mbrojtje Rashfordit dhe kjo është komentuar shumë në rrjete sociale.
Vetë Rashfordi u shpreh mirënjohës për këtë veprim të Martialit, pasi e postoi një foto të tyre në llogarinë e tij dhe e përcolli me mbishkrimin “Shoku im”, ndërsa Martial ia ktheu duke shkruar “vëllai im”. /Gazeta Express/
