Gjatë periudhës së karantinës në hotelet e Orlandos të caktuara për ekipet e NBA, stafi i njërit prej hoteleve mori ankesë për zhurmë nga dhoma e yllit të Miami Heat, Jimmy Butler, i cili më vonë u zbulua se ai kishte qenë duke u stërvitur.
Sigurimi kishte marrë një ankesë për zhurmë nga njëra ndër dhomat në hotelet ku po qëndrojnë të gjithë lojtarët e 22 klubeve të NBA, transmeton Gazeta Express.
Kur stafi i hotelit kishte shkuar në dhomën për të kishin marrë ankesa, ata e kishin gjetur Butlerin të djersitur, pasi që ai kishte qenë duke u stërvitur dhe duke dribluar në dhomën e tij.
Duke marrë parasysh që Butler njihet për stërvitjet e tij të hershme në mëngjes – zakonisht duke nisur që nga ora 3 e mëngjesit – raportohet se ankesa për zhurmë ishte bërë pasi që shumica në hotel kishin qenë duke fjetur kur ai po stërvitej.
Ndërkohë, Butler u ka thënë gazetarëve se ai nuk do të mbajë mesazh për drejtësi sociale në fanellën e tij, por se nuk e do as emrin. Ai dëshiron që ta ketë të zbrazët pjesën ku zakonisht shkruhen emrat e lojtarëve kur të rinisin ndeshjet.
