IKSHPK bëri të ditur se sot në Kosovë janë konfirmuar 168 raste të reja me Covid-19.
Në Itali, një nga shtetet më të goditura nga pandemia, numri i rasteve të reja shënoi një ulje të madhe, duke u regjistruar vetëm 129 persona pozitivë më Covid-19.
Ndërkohë, numri i vdekjeve ishte i lartë, pasi 15 persona të prekur me koronavirus ndërruan jetë, duke e çuar në 35073 numrin total të të vdekurve.
Në Spanjë, shqetësuese paraqitet situata në Katalonjë, ku në 24 orët e fundit u regjistruan 590 raste të reja. Po ashtu, situata paraqitet shqetësuese edhe në Madrid, aty ku numri i pacientëve të shtruar në spital është më i madh se në Barcelonë, ndërsa janë shëruar vetëm 4 persona gjatë 24 orëve të fundit.
